*|| * تفاصيل عرض شركه عراقنا الجديد * ||*

االسلام عليكم شباب



اليوم جايب الكم خبر من شركة زين عراقنا

اكيد الاغلبية وصلت الهم رسالة من شركة زين

الي مضمون الرسالة يكول حول خط الو و شكو ماكو الى ايزي طول اليوم وايزي يا اهلنا

اني اتصلت بمركز خدمة الزبائن واخذت كل المعلومات منهم

و حبيت اخليها بالمنتدى هنا علمود الكل تعرف بالخبر

المهم

خط ايزي طول اليوم و خط ايزي يا اهلنا هنة خطين جانت تقدمها شركة الاثير قبل دمجها مع شركة عراقنا

بعد الدمج الي صار بين الشركتين

الان

يكدرون مشتركين خطوط الو و شكو ماكو تحويل خطوطهم الي ايزي طول اليوم و ايزي يا اهلنا

خل احجيلكم مميزات الخطين


اول عرض

ايزي طول اليوم

سعر الدقيقة الاولى ب 10 سنت و الدقيقة الثانية ب 4 سنت طول اليوم الى جميع خطوط زين ( عراقنا و اثير )


ثاني عرض

ايزي يا اهلنا

من الساعة ال 12 بعد منتصف الليل حتة الساعة ال 8 صباحا

سعر الدقيقة الاولى ب 5 سنت و الثانية ب 2 سنت

اما خارج هذه الاوقات سعر الدقيقة الاولى ب 11 سنت و الثانية ب 8 سنت

و الاتصال يكون الى جميع خطوط زين ( عراقنا و اثير )

__________________________________________________ _
**اني انصح الي عندة خطين عراقنا

الخط الي يستعملة اكثر شي يحولة الى ايزي طول اليوم

و الخط الثاني يبقة على عراقنا علمود يستفاد من الخدمة الليلة**
__________________________________________________ _


ملاحظات مهمة

1 - طريقة التحويل الاتصال على الرقم 444

2- سعر المسجات ثابت في الحالتين 5 سنت داخلي و 12 سنت دولي

3- بعد تحويل الخط الى احد العروض سوف تنلغي خدمة ال نص ساعة المجانا

4- تحويل الخط مجانا

5- سعر الاتصال الى خارج شبكة زين ( اسيا سيل و غيرها ) الدقيقة الاولى ب 15 سنت و الثانية ب 12


ارجو ان تستفادو من الموضوع